Belaguako Batzordea eta Begirale Taldearen eskertza.

Aurtengo udalekuei begira, joan den ostegunean bilera berezia izan genuen, guretzat latza zen berri bat emateko, 2011ko Zurriola Ikastolako udalekua ez dela Belaguako Arrako bentan izango.

Orontze herriko “El Albergue de los Pirineos” izeneko aterpetxera joango dira. Bileran kokapen berriaren ezaugarri nagusienak azaltzen saiatu ginen.

Ohar hau ez da azalpen gehiago emateko, joan den osteguneko bileran izan zineten guztiei eta, bileraz kanpo, guregana hurbildu diren guztiei, gure eskertza zabaltzeko baizik.

Jaso genituen animoak bide onetik goazela adierazten digu eta guretzat indar handia da. Animo horiek aurtengo udalekua ondo bideratzen eta hemendik aurrera, Artezkaritzaren eskutik, egin beharko dugun lana burutzen lagunduko digute. Proposamen berriak ere, jada, buruan ditugu.

MILA ESKER EMANDAKO BABESARENGATIK

UDALEKUAK EGINGO DIRA!

Pasa den asteburuan izaniko istripuaren ondorioz, segurtasun neurriak direla eta Arrako Benta itxi egingo da, beharrezko inspekzio eta konponketak egin bitarte. Udalekuak ordea aurrera jarraituko du, oraingoan ordea leku berri batean: ORONTZEKO IRIARTE etxean. 

-Non dago kokatuta Orontze?

Zaraitzu ibarrean kokatuta dago, Otsagabiatik 3-5km-tara. Herri txikia eta umila da. Ikus mapan non dagoen. Informazio gehiagorako eskubiko zutabea, loturen atalean Iriarte etxearen eta Otsagabiaren web guneetako loturak dituzue.


- Nolakoa da Iriarte etxea?

Akaso, deskirbatzen hasi baino aski izango da bertako argazkiak ikustea.  Polita, ezta?

 

Egongela

logela bat

beste logela bat

komunak

jangela

- Zein ekintza egingo ditugu bertan?

Arrako Benta ez dela badakigun arren eta bertako inguruneko baliabideak ez ditugula ikusita, ezingo dugu jakuzian ibili, ez eta urjauzira joan. Futbol zelai eta Belagua txokoan ere ez gara izango, baina horrek ez du esan nahi besoak gurutzatuta zerura begira geratuko garenik! Josalean eta ekintzak egiten jarraituko dugu, saltoka eta dibertitzen aspertzerarte!

Putzutan atzera eta aurrera igelen antzera saltoka ere ibiliko gara, bertakoek esanda, udaran presa gisako bat eraikitzen baitute herrian bertan!

Otxagabiara ere hurbilduko gara eta 10€ak xahutzeraekin batera frontoa eta bertako txoko eta herritarrak ezagutuko ditugu. Baitan Gartxoten kondaira bertatik bertara ezagutu ere!

Arrakon ez bagaude ere, ez pentsa mendia egiteaz libratuko zaretenik, gure buelta eta txangoan egingo baititugu. Baita gau garbian, ilargia borbilaren azpian, zeruari so, izar usoekin batera gure gurariak eskatu ere! (Bibak)

Bandera jolasa, kapitain planet, txantxa jolasak, zerri eguna, ur jolasak, muxu plajake edo flopy-flopy bezalako jolasak ere ez ditugu ahazten. Eta seguruena berriak ere ikasiko ditugula!

3. eta 4. txandetan gainera bizikletak eramateko proposamena mantentzen dugu. Horrela, inguruan gehiago ibili eta hiru eguneko irteerak egiteko aukera izango dugu! Ez ahaztu ordea, beharrezko kasko, peto eta kamara ekartzea gero!

Guztia hau eta askoz gehiago! Aurtengo udalekua ekintza, jolas, leku, kondaira eta sorpresa berriez beteta dator. Abentura berri bat izango da, gurekin bizi nahi duzu?!

Bada zatoz! Zure zain gaude!

Honenbestez ohar bi besterik ez: 

1. Gogoratu oraindik boletina entregatu ez baduzu lehen bait lehen Hurrako idazkaritzan entregatzea
2. Eraman beharreko materialaren zerrenda berdina izaten jarraitzen du, baita autobusen antolaketa eta ordutegia ere. Hau kontsultatzeko, azpiko albisteetan begiratu dezakezue. 

EKAINAK 1, gurasoentzako bilera!

Aste honetan, ekainaren 1ean, arratsaldeko 17'30tan Hurrako jangelan bilera berri bat burutuko dugu. Hau bereziki Belaguara joango diren gazteen gurasoentzako bilera izango da, bertan zuen zalantzak argitu eta begiraleok beharrezkoak ikusten ditugun gomendioak emango dizkizuegu!

Bertaratzeko aukerarekin ez baduzu, gurekin harremanetan jar zaitezke ondorengo emailean: arrakobenta@gmail.com eta ahal bezain azkarren eranztuten ahaleginduko gara!

Belaguako azken zirkularrak eta hainbat gomendio!

Jaso ditugu dagoneko izen emate orriak, eta aurtengoan pasa den urtean baina gehiago gara Belaguara joatera animatu garenak! Giro polita izango dugu!

Orain apurka eraman beharreko gauzak prestatzen hasi beharko gara! Horretarako datozen asteetan ikastolan zirkular bat banatuko duten arren hemen behean ere eskegintzen dugu eskura izan dezazuen! Hiru orri dira denera. Lehenik eta behin azalpen labur bat hainbat gauzen inguruan; bigarrenik, eraman beharreko arroparen zerrenda eta azkenik boletina, ikastolara behar bezala beteta ekarri behar dena EKAINAREN 15a baino lehen! Honekin batera gogorarazi nahi dizuegu datorren EKAINAREN 1ean GURASOENTZAKO BILERA berri bat egingo dugula arratsaldeko 17'30tan URRAKO JANGELAN azken kontu batzuk azaldu eta zuen zalantzak argitzeko.

Zerrenda horri laguntzeko gomendio batzuk eman nahi dizkizuegu begiraleok ordea (inolaz ere ez da asmoa propaganda egin edo hau erostera behartzea, gomendioak besterik ez dira!):

1.-  Komeni da KANTINPLORA gutxienez litro batekoa izatea. Kontuan izan egun guztiko irteerak direla eta mendian ez direla iturri asko topatzen, beraz ondo hornituta joan behar!

2.-  TXANKLETAK komeni da lotzen direnak ekartzea, nagusiki errekan ibiltzeko. Gero hauek ere erabili daitezke dutxarako, edo beste batzuk ekarri!

3.- MOTXILA dagokionez kontuan hartu behar da egun guztiko irteerak egiteko erabiliko dugula, bai mendira joateko edo Uztarrotzera. Beraz bertan kabitu behar idra bai kantinplora, txamarra, ogitartekoa, toaila... Ez da bereziki handia izan behar, baina ezta txikiegia ere.

4.- LO ZAKUA. Pirineotan izanik, nahiz eta udara izan, gauean tenperaturak nahiko jaisten dira. Beraz, lozakua tenperatu baxuak aguantatzeko moduakoa izatea gomendatzen dugu. Horretaz gain, eta bereziki 3. eta 4. txandetako gazteentzat kanpotik inpermeablea den zakua eramatea eskatzen dugu. (kanpoan lo egiten dugunean ihintza izaten baita!)

ZEREN ZAI ZAUDE?

Apirila aurrera dator, aste santua dagoeneko ate joka, eta eguraldia ere aldatzen hasia da. Eguzkia, berotasuna.... batzuon gogoak dagoeneko azterketak gainditu eta udaran irrikak bete ditu! Baina zer egin behar duzu aurten udaran? Etxean geratuko zara? Eraikin eta errepide grisez beteriko Donostian? 

Guk beste aukera bat eskaintzen dizugu; ZATOZ BELAGUARA! Mendia, berdea, larreak, ur hotza, lagun arteko giro bikaina, jolasak, irriak, askatasuna... zer gehiago nahi duzu?

Arin ibili! Izen emateko epea apirilaren 15an amaitzen baita! Etzazu biharko utzi gaur egin dezakezuna! Bete orria eta zatoz gurekin!

EGIN ZAITEZ ARRAKO BENTAREN LAGUNA FACEBOOKEN!

Bai bai! Irakurri duzuena; facebooken munduan ere murgildu gara! Asmoa Zurriola ikastolako ahalik eta ikasle gehienen laguna egitea da, sarea osatzen joateko. Baina baita Belaguaren maitale diren ikasle, monitore eta lagunak batzeko ere! Nahi duen edonor egia esan! Beraz badakizu, egin zaitez lagun eta zabaldu! Belaguatik salto mundura!!!

AUKEZPENAK EGIN DITUGU!

Azken egunetan ikastolan izan gara lanean, Belaguako udalekuko aurkezpenak egiten. Pasa den astea Lehen Hezkuntza ikasleekin izan ginen, 3., 4., 5. eta 6. mailakoekin hain zuzen ere. Pasa den urteko argazki batzuk ikusi, anekdotak kontatu, Bloga aurkeztu.... tarte atsegina izan genuen. Datozen asteetan, DBH-ko maila ezberdinetan egiten ahaleginduko gara.

Atzoko egunez, martxoak 29, bereziki gurasoei zuzendutako aurkezpena egin genuen hainbat begiralek. Bertan, udalekua non kokatuta dagoen azaltzearekin batera, udalekuaren helburuak azpimarratu eta txandaz txandako deskribapen txiki bat egin genuen, argazkiez lagunduta. Argazkian ikusi bezala, saiora hainbat guraso bertaratu ziren eta baita galderak egin ere, gustuz erantzun genituenak. Jakin badakigu ordea, agian batzuek ezin agertu edo bestelako galderak ere izango dituzuela, beraz idatzi lasai Blog honetan, eta albait arinen erantzuten ahaleginduko gara. Horrela bada, bertaratu izan ezin zenutenetzat hemen aurkezpena eskura.

gurasoentzako aurkezpena

Besterik gabe, gogorarazi nahi dizuegu izen emateko epea APIRILAREN 15ean ixten dela. Etzazue azken unerarte itxaron eta eman izena!

IZEN EMATEKO EPEA IREKI DA!

      Beno beno, nahiz eta egun hauetan euria eta eguraldi txarra besterik ez izan, guk dagoeneko burua udako oporretan dugu; eguzkia, berotasuna, klaserik ez.... eta nola ez Belaguako udalekuak. Mendia, ur freskoa, lagun taldeko giro bikaina, jolasak.... tentagarria, ezta? 

Gaur soilik imaginazioan disfrutatu badezakegu ere, udaran egi egin dezakezu eta gurekin batera bizi. Animatzen zara? Datozen egunetan klasean izen emateko zirkular bat banatuko zaizue. Hau bete eta idazkaritzan entregatu besterik ez duzue egin behar. Baina adi, apirilaren 15ean itxiko baita izen emate epea, beraz ez zaitez zai gelditu.

ZATOZ GUREKIN BELAGUARA!!!

Udalekuaz....

            Udaberriarekin batera heldu da Belaguako udalekuan izena emateko garai ere. Horregatik, datozen egunetan gazteei klasean aurkezpen bat egingo diegu. Aurtengoan ordea, izen emateko orriarekin batera, gurasoetan pentsatuz, ondorengo lerroak idazti ditugu. Hauen helburua, gazteei klasean egin bezala, Belaguako udalekuaren gaineko azalpen labur bat ematean datza, baita txanda bakoitzaren deskribapen xume bat egitea ere, informazio gehiago izan dezazuen. Hala ere, lerrokin batera, apirilean bereziki gurasoentzat egingo dugun bilkurara animatu nahi zaituztegu. Bertan, hemen idaztitako azaltzearekin batera, zuen galderak erantzungo baititugu.

Non gauzatzen da Udalekua?

            Belaguako bailara Nafarroa Garaiko ipar-ekialdean kokatuta dagoen Erronkariko bailaran aurkitzen da, Euskal Herriko Pirinioetan hain zuzen ere. Erronkariko bailara bost herrik osatzen dute, Erronkari, Burgi, Urzainki, Uztarrotz eta Izabak. Azken honetatik 10km-tara (errepidetik San Martingo Harrirantz joaten), ezkerretara sartuta aurkitzen da Arrako Benta, udaleku burutzen den tokia. Bere parean Arrakoko Andra Mariaren Baseliza aurkitzen da, eta inguru oso hurbilean berriz, Arrakoko trikuharria.

Nolakoa da Arrako Benta?

Etxeak, egongela handi bat, bazkaldu naiz jolasteko erabiltzen dena; bi logela handi 25 pertsonentzat eta lau txiki, launa pertsonentzat ere baditu; sukaldea, komunak, dutxak.... Benta berez, zaharra izanik ere, Ikastolak alokatu zuenetik hainbat aldaketa egin dizkio. Bereziki, azken urteetan, kalefakzioa, teilatu berria eta logelak aldatu dira, ohe berriak jarriz.

Etxea bezain garrantzitsua da ordea bere ingurunea. Errepidetik aldenduta, mendiaren magalean, erreka eta zelaiak ditu eskura, lasai jolasean ibiltzeko aukera ematen dutenak. Bestela, asko urrundu gabe ere eta etxetik irteteko laguntzen diguten futbol zelai bat ere badugu, baso txiki bat (Belaguako txokoan deiturikoa), eta errekak modu naturalean egindako milaka putzu eta tobogan.

Zer egiten da Belaguan?

            Bere kokapena dela eta, udalekuaren beraren helburua, gazteek bestelako aisialdi eredu batekin disfrutatzen ikasteaz gain, naturaz ikasi eta norbere burujabetza lantzea sustatu nahi dugu. Mendian ibili, basoak ezagutu, kirol berriak ikasi... baina nagusiki, eskura izan ditzaketen aukerez eta baliabide naturalez ohartarazi. Noski guzti hau, errespetuan, talde lanean eta euskaraz. 

Orokorrean, egunak ordutegi baten baitan antolatzen ditugu. Goizeko 8'00tan jaikitzen gara eta 9'00tako gosaltzen. Behin amaituta eta prest gaudela goizeko ekintza hasten dugu. 13'30ak aldera bazkaria, eta arratsaldeko 16'00ak arte denbora librea izaten dute. Ordu honetan, arratsaldeko ekintza hasi ohi dugu, eta arratsa erdi aldera deskantsu bat egiten dugu askariarentzat. Gaueko 20'30ak aldera afaltzen dugu eta 22'00etan gaubela hasi arte (gaueko ekintza), astialdia izaten dute. 23'30tan denak oheratzen dira eta 00'00tako isiltasun osoa  egon behar du. 

Ordutegi hau esan bezala orokorra da, txanda bakoitzaren ezaugarri eta ekintza ezberdinekin osatzen dugularik, nahiz eta hainbat ekintza txanda guztietan errepikatu, dela mendi irteera eta Izabarako txangoa. Txanda bakoitzeko informazio orokorra goiko laginen bitartez duzue eskura. Pixkanaka atal hauek ere osatzen joango gara.